CTT 2024: «Trakresurs» og‘ir sharoitlarda ishlash uchun ekskavatorlarni taqdim etdi
«Trakresurs» kompaniyasi Rossiyadagi eng yirik soha ko‘rgazmalaridan biri — CTT Expo 2024’da ishtirok etdi. Xalqaro miqyosdagi ushbu tadbir har yili Rossiya poytaxtida qurilish, maxsus va tijorat texnikasi bozorining yetakchilari hamda ishtirokchilarini jamlaydi.
Bu yil «Trakresurs» Lonking yo‘l-qurilish texnikasining keng qatorini namoyish etdi va, avvalo, ekskavatorlarning yangi modellarini taqdim qildi.
Ular orasida CDM6240 gusenitsali ekskavatori ham bor. Uning o‘ziga xos jihati — uzaytirilgan ish jihozi: strelasi 8,5 metr, rukoyati esa 6,5 metr. Texnika katta qazish radiusi talab qilinadigan ishlarga mo‘ljallangan. U qiyaliklarni tekislash kabi yo‘l qurilishi ishlarida ham, suv havzalarini tozalash yoki tubini chuqurlashtirish kabi melioratsiya ishlarida ham mos keladi. Qazish chuqurligi 12 metrgacha, kovsh hajmi 0,6 kub metr, bosib o‘ta oladigan nishabligi esa 35 darajagacha.
CTT ko‘rgazmasida namoyish etilgan ikkinchi maxsus ekskavator — o‘rmon ishlari uchun tayyorlangan Lonking CDM6225H. Yetarli xavfsizlik darajasini ta’minlash uchun mashina kabina va dvigatel bo‘limining fleko himoyasi bilan jihozlangan. Xavfsizlik choralarini orqa ko‘rish kamerasi hamda strelada, kabinada, yon va orqa panellarda joylashtirilgan 13 ta yorqin LED fara to‘ldiradi. Qo‘shimcha gidravlik moy sovutgichi bilan birga ishlaydigan reversiv gidravlik liniya harvester kallagi, qisqichlar va boshqa osma uskunalarni ulash imkonini beradi. Yurish qismi o‘rmon sharoitida ishlash uchun maxsus yaratilgan. Gusenitsa tasmasining eni 700 mm bo‘lib, har bir tomonida 49 tadan bashmak mavjud; bu gruntga tushadigan bosimni kamaytirib, tayanch yuzasi bilan ilashishni yaxshilaydi. X-simon rama yo‘l oralig‘ini 30 foizga oshiradigan qilib ishlab chiqilgan va bu ko‘rsatkich 710 mm ga yetadi. Tayanch roliklari, yo‘naltiruvchi g‘ildirak va yetakchi yulduzcha maxsus qalqonlar bilan himoyalangan. Bularning barchasi ekskavatorning murakkab va notekis hududlarda harakatlanishiga imkon beradi.
«Trakresurs» Lonking ekskavatorlarining eksklyuziv distribyutori va Lonking frontal yuklagichlarining rasmiy distribyutori hisoblanadi. Brend qatorida ixcham texnikadan tortib kuchli va katta o‘lchamli mashinalargacha bo‘lgan turli yer qazish texnikalari mavjud.